NBA í nótt: Öll liðin spiluðu

Það gerist ekki oft á tímabilinu að öll lið NBA-deildarinnar spili á sama deginum en slíkt var tilfellið í nótt eftir að öll lið fengu frí á nýársdag.

Boston og LA Lakers, efstu lið Austur- og Vesturdeildarinnar, unnu bæði sína leiki í nótt. Boston vann sigur á Washington, 108-103, þar sem Paul Pierce skoraði 26 stig.

Lakers vann svo góðan sigur á Utah, 113-100. Kobe Bryant fór á kostum í leiknum og skoraði 40 stig. En það var Trevor Ariza sem var hetja leiksins. Hann stal boltanum tvívegis á lokamínútum leiksins og kom Lakers í þægilega forsytu. Alls var hann með tólf stig, níu fráköst og fimm stolna bolta.

Cleveland er ekki með mikið verri heildarárangur en Boston og er enn eina liðið sem er ósigrað á heimavelli. Cleveland vann í nótt Chicago, 117-92, þar sem LeBron James náði þrefaldri tvennu - sextán stigum, ellefu stoðsendingum og tíu fráköstum.

Úrslit allra leikja í nótt:

Orlando - Miami 86-76

Toronto - Houston 94-73

Boston - Washington 108-83

Cleveland - Chicago 117-92

New Jersey - Atlanta 93-91

New York - Indiana 103-105

Detroit - Sacramento 98-92

Memphis - San Antonio 80-91

Minnesota - Golden State 115-108

Oklahoma - Denver 120-122

Dallas - Philadelphia 96-86

Milwaukee - Charlotte 103-75

Phoenix - LA Clippers 106-98

Portland - New Orleans 77-92

LA Lakers - Utah 113-100