Joachim Löw áfram landsliðsþjálfari Þjóðverja til 2012

Joachim Löw hefur framlengt samning sinn við þýska knattspyrnusambandið til ársins 2012.

Löw mun því þjálfa þýska landsliðið fram yfir Evrópumeistaramótið sem haldið verður í Úkraínu og Póllandi árið 2012.

Hann tók við starfinu árið 2006 eftir að hafa verið aðstoðarmaður Jürgen Klinsmann.

Á síðasta stórmóti, EM 2008, stýrði hann Þjóðverjum í úrslitaleikinn þar sem þeir töpuðu fyrir Spáni.

Theo Zwanziger, forseti þýska knattspyrnusambandsins staðfesti í gær að samkomulagið hafi verið handsalað í gærkvöldi og að skrifað verði undir nýjan samning í janúar næstkomandi.