Fótbolti

Inter styrkti stöðu sína á toppnum á Ítalíu

Ómar Þorgeirsson skrifar
Diego Milito.
Diego Milito. Nordic photos/AFP

Ítalíumeistarar Inter unnu í kvöld góðan 1-3 útisigur gegn Bologna í ítölsku úrvalsdeildinni.

Diego Milito kom Inter yfir með marki á 23. mínútu en Marcelo Zlayeta jafnaði leikinn fyrir heimamenn mínútu síðar.

Mario Balotelli kom Inter svo aftur yfir í lok fyrri hálfleiks og staðan var 1-2 í hálfleik.

Það var svo Esteban Cambiasso sem innsiglaði 1-3 sigur Inter með marki á 72. mínútu og þar við sat.

Inter er nú komið með átta stiga forskot á toppi deildarinnar en Juventus, sem er í öðru sætinu sem stendur, á leik til góða.



Ítalski boltinn

Mest lesið


Fleiri fréttir

Sjá meira


×

Mest lesið