Kobe og Shaq mætast á jóladag í fjórða sinn á fimm árum

NBA-deildin í körfubolta er búin að gefa út leikjadagskránna fyrir næsta tímabil og þar varð það ljóst að Kobe Bryant og Shaquille O'Neal munu enn einu mætast á jóladag síðan að upp úr slitnaði á milli á sínum tíma.

Kobe Bryant og félagar í meistaraliði Los Angeles Lakers mun taka á móti Cleveland Cavaliers 25. janúar en að þessu sinni mætir Shaquille O'Neal með sér besta leikmanna síðasta tímabilsins, LeBron James.

Þetta verður í fjórða sinn á fimm árum sem Kobe og Shaq mætast á jóladag en það þykir mikil viðurkenning að fá að spila á þessum degi.

Shaquille O'Neal og LeBron James spila fyrsta leik sinn saman í Cleveland Cavaliers á móti Boston Celtics 27. október en seinna um sama kvöld taka Lakers-menn á móti hringunum sínum fyrir leik sinn á móti nágrönnunum í Clippers.

Clippers átti fyrsta valrétt í NBA-nýliðavalinu í sumar og mæta til leiks með hinn sterka og öfluga Blake Griffin.