Beckham er einn af fimm bestu leikmönnum heims

Ítalski landsliðsmaðurinn Andrea Pirlo getur ekki beðið eftir því að David Beckham komi aftur til AC Milan. Pirlo segir að Becks styrki lið Milan mikið og verði mikil ógn gegn Man. Utd í Meistaradeildinni.

„Maður sá Beckham stundum koma af bekknum hjá United og skora síðan úr aukaspyrnu. Hann er það öflugur. Þar sem ég þekki David þá á ég ekki von á því að hann fagni of mikið ef hann skorar gegn Man. Utd. Hann hefur einfaldlega meiri klassa en það," sagði Pirlo um félaga sinn.

„Beckham er einn af fimm bestu leikmönnum heims og hefur margsýnt það og sannað með félags- og landsliðum."