Mig vantar varnarmann, sóknarmann og tvo miðjumenn

Jose Mourinho, þjálfari Inter, segist ekki ætla að eyða fáranlegum peningum í leikmannakaup í sumar en er samt algjörlega með það á hreinu hvernig leikmenn hann vantar í lið Inter.

„Við þurfum að styrkja okkur á öllum hlutum vallarins. Mig vantar því varnarmann, tvo miðjumenn og framherja," sagði Mourinho en ítalskir fjölmiðlar gera því skóna að Adriano sé á förum og í hans stað muni komu Fabio Quagliarella frá Udinese.

„Quagliarella er alveg frábær leikmaður. Hann kemur með árásir úr djúpinu og það er alltaf erfitt að dekka hann," sagði Mourinho sem er einnig sagður hafa augastað á Nemanja Vidic og John Obi Mikel.