Tvöfaldaðist milli mánaða

Heildarviðskipti með hlutabréf í Kauphöllinni námu sex milljörðum króna í febrúar. Veltan var 303 milljónir króna á dag, sem er rúmlega tvöfalt meira en í janúar.

Markaðsvísitala skráðra félaga var 192 milljarðar í lok febrúar.

Úrvalsvísitalan stóð í 839,76 stigum og heildarvísitala aðalmarkaðar í 468,02 stigum.

Heildarviðskipti með skuldabréf námu alls 193 milljörðum í febrúar. Það jafngildir 9,7 milljörðum á dag, sem eru mestu viðskiptin frá október 2008. - bj