Lakers rúllaði yfir Houston í oddaleiknum

Los Angeles Lakers náði loksins að hrista Houston Rockets endanlega af sér í kvöld þegar liðin mættust í oddaleik í Los Angeles.

Lakers þar með komið í úrslit Vesturdeildar þar sem liðið mætir Denver.

Lakers hafði yfirburði í leiknum frá upphafi og vann öruggan sigur, 89-70. Houston náði aldrei að ógna Kobe og félögum sem sluppu þar með skrekkinn gegn meiðslahrjáðu Rockets-liði.

Pau Gasol var stigahæstur hjá Lakers með 21 stig. Ariza næstur með 15 en þeir Bynum og Kobe voru með 14.

Aaron Brooks var stigahæstur hjá Houston með 13 stig.