NBA-deildin: Stórleikur hjá Carmelo Anthony

Tveir leikir fóru fram í NBA-deildinni í nótt þar sem Denver Nuggets vann 94-97 sigur gegn Portland Trail Blazers og Chicago Bulls vann 92-85 sigur gegn San Antonio Spurs.

Carmelo Anthony var allt í öllu í sigri Nuggets gegn Trail Blazers en kappinn gerði sér lítið fyrir og skoraði 41 stig en Chauncey Billups kom næstur með 22 stig. Nuggets hefur nú unnið báða tvo leiki sína til þessa.

Hjá Trail Blazers var Brando Roy atkvæðamestur með 30 stig.

28 stig Tim Duncan dugðu Spurs ekki til sigurs gegn sterkri liðsheild Bulls þar sem sex leikmenn skoruðu meira en tíu stig en Luol Deng var þar stigahæstur með 17 stig.