Martins til Wolfsburg - lækkaði um eina milljón punda á þremur árum

Þýsku meistararnir í VfL Wolfsburg hafa gengið frá kaupunum á Nígeríumanninum Obafemi Martins frá Newcastle United. Martins gerir fjögurra ára samning við þýska liðið.

Newcastle United fær 9 milljónir punda fyrir Martins en hann hefur þar með lækkað um eina milljón punda frá því að Newcastle keypti hann frá ítalska liðinu fyrir þremur árum.

Obafemi Martins skoraði 35 mörk í 80 leikjum fyrir Newcastle United.

Armin Veh sóttist eftir því að bæta Nígeríumanninum í sóknarlínu sína þrátt fyrir að fyrir væru þeir Grafite og Edin Dzeko sem skoruðu saman 54 mörk í bundesligunni á síðasta tímabili.