Fótbolti

Leik Fiorentina og Milan frestað

Eiríkur Stefán Ásgeirsson skrifar
Frá heimavelli Fiorentina í Flórens í dag.
Frá heimavelli Fiorentina í Flórens í dag. Nordic Photos / AFP

Leik Fiorentina og AC Milan í ítölsku úrvalsdeildinni var frestað vegna mikillar snjókomu á Ítalíu í dag.

Leikurinn átti að hefjast klukkan 19.45 en fyrr í dag var leik Bologna og Atalanta frestað af sömu ástæðu. Sá leikur fer fram á morgun en ekki hefur verið ákveðið hvenær Fiorentina og AC Milan muni spila.

Það mun þó ekki koma til greina að láta leikinn fara fram á morgun.

Þá er talið líklegt að leik Udinese og Cagliari sem á að fara fram á morgun, sunnudag, verði einnig frestað.



Ítalski boltinn

Mest lesið


Fleiri fréttir

Sjá meira


×

Mest lesið