Birgir Leifur með um næstu helgi

Birgir Leifur Hafþórsson verður meðal þátttakenda á golfmóti sem fram fer á Andalúsíu á Spáni um helgina. Birgir hætti keppni vegna hálsmeiðsla eftir aðeins tvær holur á móti í Portúgal um síðustu helgi.

Birgir tók þátt í þessu móti í fyrra og lenti þá í 32. - 39. sæti. Í viðtali á vefsíðunni kylfingur.is segist Birgir stefna á að verða eins ofarlega og hægt er en fyrst og fremst koma sér í keppnisform.

Birgir hefur leik á mótinu á fimmtudag og leikur með þeim Michael Jonzon frá Svíþjóð og David Drysdale frá Skotlandi.