Hérna er jólatrÉÉÉÉÐ

Þýskur maður var fluttur á sjúkrahús eftir að hafa losað sig við jólatréð sitt með því að fleygja því út um glugga á þriðju hæð.

Slysið er rakið til sjónvarpsauglýsingar þar sem fólk er sýnt skemmta sér við að fleygja jólatrjám sínum út um glugga, til þess að hreinsunardeildin geti hirt þau til endurvinnslu.

Talsmaður lögreglunnar sagði að það væri góðra gjalda vert. Hinsvegar væri ekki ætlast til þess að fólkið fylgdi sjálft á eftir trjánum. Maðurinn mun ekki vera lífshættulega slasaður.