Körfubolti

Ellefti heimasigur Cleveland

Eiríkur Stefán Ásgeirsson skrifar
Nei, þetta er ekki Anderson Varejao á sínum yngri árum. Heldur ungur stuðningsmaður Cleveland sem vildi líkjast hetju sinni en fjölmargir stuðningsmenn Cleveland settu upp hárkollu honum til heiðurs í gær.
Nei, þetta er ekki Anderson Varejao á sínum yngri árum. Heldur ungur stuðningsmaður Cleveland sem vildi líkjast hetju sinni en fjölmargir stuðningsmenn Cleveland settu upp hárkollu honum til heiðurs í gær. Nordic Photos / Getty Images

Ellefu leikir fóru fram í NBA-deildinni í körfubolta í nótt en Cleveland vann sinn ellefta heimasigur í jafn mörgum leikjum með sigri á Indiana, 97-73.

LeBron James hafði hægt um sig og skoraði ekki nema ellefu stig í leiknum. Það kom þó ekki að sök. Anderson Varejao skoraði sautján stig í leiknum og klikkaði ekki á skoti í öllum fyrri hálfleik.

Cleveland hefur unnið fimmtán af síðustu sextán leikjum sínum eftir að hafa tapað tveimur af fyrstu þremur leikjum tímabilsins. Liðið hefur nú unnið Indiana í níu skipti í röð.

Mo Williams og Zydrunas Ilgauskas voru með sautján stig rétt eins og Varejao.

Önnur úrslit í nótt:

Orlando Magic - Oklahoma City Thunder 98-89

Washington Wizards - LA Lakers 104-106

Atlanta Hawks - New York Knicks 98-95

New Jersey Nets - Minnesota Timberwolves 113-84

Boston Celtics - Portland Trail Blazers 93-78

Detroit Pistons - Philadelphia 76ers 91-96

Memphis Grizzlies - LA Clippers 93-81

Houston Rockets - Golden State Warriors 131-112

Milwaukee Bucks - Charlotte Bobcats 101-96

Utah Jazz - Toronto Raptors 114-87



NBA

Mest lesið


Fleiri fréttir

Sjá meira


×

Mest lesið