Ferguson: Erfitt val á milli Hargreaves og Park

Alex Ferguson, stjóri Manchester United, sagði skömmu fyrir úrslitaleikinn gegn Chelsea í Meistardeild Evrópu að það hefði verið erfitt að velja á milli Owen Hargreaves og Ji-Sung Park.

Á endanum ákvað hann að setja Hargreaves á miðjuna en Park er ekki í leikmannahópi United í kvöld.

„Owen hefur verið frábær að undanförnu og er að toppa þessa dagana," sagði Ferguson. „Þetta var erfið ákvörðun því Ji-Sung Park hefur gefið heilmikið af sér og erum við mjög stoltir af því. Þetta var ekki auðvelt en vonandi hafði ég rétt fyrir mér," sagði Ferguson.