Fastur í fangabúðum 6. nóvember 2008 07:00 Á Flótta Steve Zahn og Christian Bale í hlutverkum sínum í kvikmyndinni Rescue Dawn. Kvikmyndaleikstjórinn Werner Herzog snýr aftur með enn eina myndina um óvenjuleg átök manns og náttúru. Myndin skartar stjörnunum Christian Bale og Steve Zhan í aðalhlutverkum. Íslensk kvikmyndahús taka myndina Rescue Dawn til sýninga nú um helgina, en myndin var frumsýnd í Bandaríkjunum í fyrra. Rescue Dawn er eins konar endurgerð á heimildarmyndinni Little Dieter needs to fly frá árinu 1997, en Herzog var einnig leikstjóri hennar. Í Rescue Dawn fá áhorfendur að kynnast sannri sögu flugmannsins Dieters Dengler, þýskættaðs Bandaríkjamanns, sem berst í Víetnamstríðinu á sjöunda áratugnum, en er skotinn niður af óvinum og tekinn til fanga. Hans bíður grimmileg vist í fangabúðum djúpt inni í frumskóginum ásamt öðrum bandarískum föngum þar sem þeir eru sveltir og pyntaðir. Dengler missir þó aldrei vonina og lífsviljann, heldur leggur á ráðin um að flýja úr búðunum. Dengler og samfangar hans hrinda flóttaáætlun sinni í framkvæmd, en þurfa í kjölfarið að lifa af ferðalag í gegnum óvæginn frumskóginn. Saga Denglers er sannarlega með merkilegri lífsafkomusögum síðari ára og því ekki undarlegt að hún þyki prýðilegt efni í kvikmynd. Jafnframt þarf fæstum að koma það mikið á óvart að leikstjórinn Werner Herzog hafi heillast af sögu hans, en Herzog hefur áður laðast að því að myndgera lífshlaup manna sem hafa óvenjuleg lífsviðhorf og takast á við náttúruna á beinan hátt. Þessi stef voru til að mynda einnig afar áberandi í heimildarmyndinni Grizzly Man frá árinu 2005, en þar notaðist Herzog við upptökur og viðtöl til þess að lýsa lífi og dauða bjarndýraáhugamannsins Timothy Trackwell, sem lifði sínu lífi að miklu leyti utan mannlegs samfélags. Rescue Dawn hefur víðast hvar erlendis fengið góða dóma í blöðum og öðrum fjölmiðlum. Hún fær einkunnina 90% á vefsíðunni www.rottentomatoes.com og 7,6 stig af tíu á vefsíðunni www.imdb.com. Herzog þykir koma raunalegri sögu hins kjarkaða Denglers vel til skila og ekki síst þykir Christian Bale standa sig vel í aðalhlutverki myndarinnar. Sýning myndarinnar í kvikmyndahúsum hér er því augljóslega fagnaðarefni fyrir aðdáendur þessara tveggja listamanna sem og allra sem njóta þess að sjá myndir um sigur mannsandans. Mest lesið Með húsaflutninga á heilanum Lífið Sigmundur og hvolpurinn gleðjast yfir fylgi Miðflokksins Lífið Covidsmitaður Al Pacino var nær dauða en lífi Lífið Dolly gefur 135 milljónir vegna Helenu Lífið Krakkatían: Ber, forsetar og prinsessur Lífið „Það braut ísinn að við hefðum deitað sama gaurinn“ Lífið „Það er önnur hver gella með í vörunum“ Lífið „Ég var heppinn. En ekki hann“ Lífið Ólafur Ragnar skellti sér á sæþotu eftir langan dag Lífið Karlmennskuhlaðvarpið heyrir sögunni til Lífið Fleiri fréttir Super Happy Forever hlaut Gullna lundann Fagnaðarfundir þegar Bong Joon-Ho hitti Dag Kára Óhappamynd Alec Baldwin brátt frumsýnd Ný kitla: Ellie og Joel komast aftur í hann krappan Hjem til jul aftur á skjáinn Segir Murphy gera lítið úr kynferðisofbeldi Frumsýning á Vísi: Helga Braga í kolsvartri kómedíu Tæpur helmingur íbúa hefur séð myndina Kynntu dagskrá RIFF 2024 Þakkaði fyrir sig á íslensku Shogun á spjöld sögunnar á Emmy verðlaunahátíðinni Snerting framlag Íslands til Óskarsins „Myndin byggir á minni eigin lífsreynslu“ Hlátur og grátur á Ljósvíkingum Ljósbrot valin besta norræna kvikmyndin Sjá meira
Kvikmyndaleikstjórinn Werner Herzog snýr aftur með enn eina myndina um óvenjuleg átök manns og náttúru. Myndin skartar stjörnunum Christian Bale og Steve Zhan í aðalhlutverkum. Íslensk kvikmyndahús taka myndina Rescue Dawn til sýninga nú um helgina, en myndin var frumsýnd í Bandaríkjunum í fyrra. Rescue Dawn er eins konar endurgerð á heimildarmyndinni Little Dieter needs to fly frá árinu 1997, en Herzog var einnig leikstjóri hennar. Í Rescue Dawn fá áhorfendur að kynnast sannri sögu flugmannsins Dieters Dengler, þýskættaðs Bandaríkjamanns, sem berst í Víetnamstríðinu á sjöunda áratugnum, en er skotinn niður af óvinum og tekinn til fanga. Hans bíður grimmileg vist í fangabúðum djúpt inni í frumskóginum ásamt öðrum bandarískum föngum þar sem þeir eru sveltir og pyntaðir. Dengler missir þó aldrei vonina og lífsviljann, heldur leggur á ráðin um að flýja úr búðunum. Dengler og samfangar hans hrinda flóttaáætlun sinni í framkvæmd, en þurfa í kjölfarið að lifa af ferðalag í gegnum óvæginn frumskóginn. Saga Denglers er sannarlega með merkilegri lífsafkomusögum síðari ára og því ekki undarlegt að hún þyki prýðilegt efni í kvikmynd. Jafnframt þarf fæstum að koma það mikið á óvart að leikstjórinn Werner Herzog hafi heillast af sögu hans, en Herzog hefur áður laðast að því að myndgera lífshlaup manna sem hafa óvenjuleg lífsviðhorf og takast á við náttúruna á beinan hátt. Þessi stef voru til að mynda einnig afar áberandi í heimildarmyndinni Grizzly Man frá árinu 2005, en þar notaðist Herzog við upptökur og viðtöl til þess að lýsa lífi og dauða bjarndýraáhugamannsins Timothy Trackwell, sem lifði sínu lífi að miklu leyti utan mannlegs samfélags. Rescue Dawn hefur víðast hvar erlendis fengið góða dóma í blöðum og öðrum fjölmiðlum. Hún fær einkunnina 90% á vefsíðunni www.rottentomatoes.com og 7,6 stig af tíu á vefsíðunni www.imdb.com. Herzog þykir koma raunalegri sögu hins kjarkaða Denglers vel til skila og ekki síst þykir Christian Bale standa sig vel í aðalhlutverki myndarinnar. Sýning myndarinnar í kvikmyndahúsum hér er því augljóslega fagnaðarefni fyrir aðdáendur þessara tveggja listamanna sem og allra sem njóta þess að sjá myndir um sigur mannsandans.
Mest lesið Með húsaflutninga á heilanum Lífið Sigmundur og hvolpurinn gleðjast yfir fylgi Miðflokksins Lífið Covidsmitaður Al Pacino var nær dauða en lífi Lífið Dolly gefur 135 milljónir vegna Helenu Lífið Krakkatían: Ber, forsetar og prinsessur Lífið „Það braut ísinn að við hefðum deitað sama gaurinn“ Lífið „Það er önnur hver gella með í vörunum“ Lífið „Ég var heppinn. En ekki hann“ Lífið Ólafur Ragnar skellti sér á sæþotu eftir langan dag Lífið Karlmennskuhlaðvarpið heyrir sögunni til Lífið Fleiri fréttir Super Happy Forever hlaut Gullna lundann Fagnaðarfundir þegar Bong Joon-Ho hitti Dag Kára Óhappamynd Alec Baldwin brátt frumsýnd Ný kitla: Ellie og Joel komast aftur í hann krappan Hjem til jul aftur á skjáinn Segir Murphy gera lítið úr kynferðisofbeldi Frumsýning á Vísi: Helga Braga í kolsvartri kómedíu Tæpur helmingur íbúa hefur séð myndina Kynntu dagskrá RIFF 2024 Þakkaði fyrir sig á íslensku Shogun á spjöld sögunnar á Emmy verðlaunahátíðinni Snerting framlag Íslands til Óskarsins „Myndin byggir á minni eigin lífsreynslu“ Hlátur og grátur á Ljósvíkingum Ljósbrot valin besta norræna kvikmyndin Sjá meira