Veigar skoraði í tapi Stabæk

Topplið Stabæk í norsku úrvalsdeildinni steinlá í kvöld 4-1 fyrir Viking á útivelli. Veigar Páll Gunnarsson var á sínum stað í liði Stabæk og skoraði eina mark liðsins í leiknum.

Pálmi Rafn Pálmason kom inn sem varamaðuri í liði Stabæk og spilaði síðustu 20 mínútur leiksins.

Lyn fékk 3-1 skell á heimavelli gegn Molde þar sem Theodór Elmar Bjarnason og Indriði Sigurðsson voru í liði Lyn og Haraldur Freyr Guðmundsson og félagar í liði Álasunds gerðu markalaust jafntefli við Vålerenga á heimavelli.

Úrslitin í Noregi í dag og kvöld:

Aalesund - Vålerenga 0 - 0

Lyn - Molde 1 - 3

Rosenborg - HamKam 4 - 0

Strømsgodset - Tromsø 1 - 3

Viking - Stabæk 4 - 1