Titrandi jólapakkar

Danskir klámkaupmenn eru giska kátir þessa dagana því leikföng ástarlífsins seljast sem aldrei fyrr.

Þeir segja að titrandi jólapakkar verði undir þúsundum danskra jólatráa í ár. Konur geta búist við titrurum af öllum stærðum og gerðum, og karlarnir mega eiga von á því að konurnar trilli fram í aðskornum og flegnum nunnukufli.

Þráðlaus titrandi egg seljast líka eins og heitar lummur. Þau eru fyrir bæði kynin.

Trina, sem rekur netverslunina sevenheaven.dk segir greinilegt að dönsk pör beri sig saman, þegar þau velja sér leikföng fyrir jólin.

Mest selda varan hjá henni er titrari með sjö stiga hraðastillingu sem kallast Ultra 7. Trina selur einnig mikið af tæki sem kallast Pearl Diver.

Í danska Extrablaðinu er því miður ekki sagt hvað þessi perlukafari gerir. Eða hvar hann kafar. En hvað með það.

Gleðileg jól dönsku frændur.