Ferskum fiski frá Kanada dreift um Keflavíkurflugvöll

Útvegsfyrirtæki á Nýfundnalandi í Kanada eru að hefja tilraunir með útflutning á ferskum fiski til Evrópu, sem dreift yrði frá Kefalvíkurflugvelli.

Icelandair Cargo hefur samið um nokkur tilraunaflug milli Keflavíkur og Gander á Nýfundnalandi í þessu skyni, og takist vel til gæti þetta flug orðið fastur liður upp úr áramótum.

Þetta er athyglisvert í ljósi þess að verulega hefur dregið úr útflutningi á ferskum íslenskum fiski með flugi á þessu ári miðað við síðasta ár.