Vitni sá kærustu Murats með Madeleine

Leynilögreglumenn sögðu í gærkvöldi að þeir væru 100 prósent vissir um að finna Madeleine McCann á lífi. Þetta sögðu þeir eftir að vitni sagðist hafa séð kærustu Roberts Murat halda á barni sem vafið var inn í teppi. Vitnið sagði að Michaela Walczuch hafi haldið á barninu frá einum bíl inn í annan þar sem karlmaður tók við því aðeins tveimur dögum eftir að Maddie hvarf af hótelherberginu 3. maí síðastliðinn.

Leynilögreglumenn sem Kate og Gerry McCann réðu frá spænskri leynilögregluskrifstofu, Metodo3, sögðu að vitnið hefði sagt að Walczuch hafi tekið barnið úr bílnum og sett hana inn í annan bíl í miðhluta Portúgal, 150 kílómetrum frá sumarleyfisstaðnum Praia da Luz.

Samkvæmt breska blaðinu Mirror bar vitnið kennsl á kærustu Murats eftir að hafa verið sýndar nokkrar ljósmyndir.   

Clarence Mitchell talsmaður hjónanna sagði Kate og Gerry afar bjartsýn eftir þessar nýjustu upplýsingar, en sem fyrr væru þau varkár og treystu engu fyrr en það væri staðfest af yfirvöldum.

Portúgalska lögreglan hefur viðurkennt að hún hefði ekki átt að hverfa frá kenningunni um að Madeleine hafi verið rænt.

Því er einnig haldið fram að annar maður hafi verið með Walczuch en hún stóð fyrir utan bílinn á bílastæði þegar hún afhenti barnið.

Francisco Marco yfirmaður Metodo 3 segir að þessar upplýsingar tengist framburði Jane Tanner, vinkonu hjónanna úr Tapaz 9 hópnum sem hefur borið vitni um að hafa séð mann halda á barninu frá hótelinu kvöldið sem hún hvarf. Það var einungis örskömmu eftir að Gerry fór síðast inn á hótelherbergið til að gæta að börnunum á meðan þau voru þar öll þrjú. Tanner sagði að barnið hefði verið í bleikum náttfötum og berfætt þegar það var borið frá hótelinu.

Vitni Metodo 3 hringdi í sérstaka símaþjónustu sem komið var á fót vegna málsins. Walczuch og Murat, sem var fyrstur grunaður í málinu, neituðu bæði að tjá sig um þessar upplýsingar í gærkvöldi.

Walczuch er fædd í Þýskalandi en býr í Lagos nálægt Praia da Luz ásamt fyrrverandi eiginmanni, Luis Antonio og átta ára gamalli dóttur. Hún var fyrst yfirheyrð af lögreglu 14. maí vegna hvarfsins á Madeleine ásamt Murat sem hún hefur verið í ástarsambandi við í tvö ár, og fyrrverandi eiginmanni sem er sundlaugahreinsir.

 

Kate boðið að semja við lögregluÍ fréttaskýringaþættinum Panorama sem sýndur verður á BBC í kvöld er fjallað um málið og meðal annars er þar viðtal við Philomenu, systur Gerry McCann.

Þar kemur fram að Kate hafi öskrað þegar lögmaður hennar sagði henni frá tilboði lögreglunnar um að ef að hún játaði manndráp, myndi hún sleppa með einungis tvö ár í reiði. Philomena var í símanum og heyrði þegar Kate öskraði, „nei, nei." Hún segir í þættinum að tilfinningarnar og viðbjóður Kate á tillögunni hafi greinilega fundist á þessum viðbrögðum.

Í dag eru 200 dagar síðan Madeleine hvarf. Foreldrar hennar hafa fengið réttarstöðu grunaðra í málinu og hafa verið ásökuð um að hafa myrt dóttur sína og losað sig við líkið.

Þrír vina Kate og Gery, Russel O´Brien, Rachael Oldfield og Fiona Payne hafa öll sagt að þau hafi séð Murat við hótelið eftir að Madeleine hvarf.

Murat sem býr í Praia da Luz ásam 71 árs gamalli móður sinni hefur haldið því fram að hann hafi verið heima kvöldið sem Madeleine hvarf.

Móðir hans staðfestir það í Panorama í kvöld. Hún segist hafa farið út að labba með hundinn sinn eins og hún geri á hverju kvöldi. Klukkan 8 hafi Murat verið kominn heim og þau spjallað; „Ég hefði vitað ef hann hefði farið út," sagði hún.