Ólafur: Þetta er yndislegt

Ólafur Jóhannesson, þjálfari FH, var í sæluvímu eftir sigurinn í bikarkeppni karla í dag.

„Þetta er yndislegt. Það eru svona sigrar sem gefur þessu gildi. Það er toppurinn að vinna svona titla," sagði Ólafur, alsæll með úrslitin.

„Auðvitað er ég sáttur við mína menn í dag, við unnum jú leikinn. En það eru bara góð lið sem taka þátt í svona leikjum og Fjölnismenn voru virkilega góðir í dag. Mér fannst kannski að við áttum að klára leikinn í venjulegum leiktíma en fyrst þetta fór svona er ég alsæll."

Hann vildi þó ekkert gefa út um framtíð sína en samningur hans við FH er að renna út.

„Ég veit ekkert um það. Það kemur bara í ljós."