Bayern skoraði fimm

Fimm leikir fóru fram í þýsku úrvalsdeildinni í kvöld og er Bayern München enn á toppnum.

Bayern München átti ekki í vandræðum með botnlið Energie Cottbus í kvöld og vann sannfærandi sigur, 5-0.  

Miroslav Klose skoraði þrennu í leiknum en Luca Toni og Martin Demichelis gerðu hin mörkin tvö.

Bayern hefur þriggja stiga forystu á toppi þýsku deildarinnar og er enn taplaust eftir sjö leiki. Liðið hefur aðeins fengið þrjú mörk á sig á tímabilinu, rétt eins Leverkusen. Bayern hefur hins vegar skorað 21 mark, en Leverkusen 11 mörk.

Leverkusen er í öðru sæti deildarinnar með fjórtán stig eftir 2-1 útisigur á Nürnberg í kvöld.

Þýskalandsmeistarar Stuttgart unnu 1-0 sigur á Bochum.

Úrslit kvöldsins:

Bayern München-Energie Cottbus 5-0

Armenia Bielefeld-Hannover 96 0-2

Eintracht Frankfurt-Karlsruhe 1-2

Nürnberg-Bayer Leverkusen 1-2

Stuttgart-Bochum 1-0