Eldur kviknaði í potti

Eldur kviknaði í potti í heimahúsi í Hafnarfirði í gær þegar húsmóðirin var að laga mat. Einn heimilismanna sýndi snarræði og náði að slökkva eldinn með handslökkvitæki og koma þannig í veg fyrir stórtjón. Töluverður reykur mætti lögreglu og slökkviliði þegar komið var á vettvang en heimilisfólkið, tveir karlar og kona, komst út af sjálfsdáðum.

Fólkið sakaði ekki en var eðlilega brugðið. Nokkrar skemmdir urðu á eldhúsinnréttingu en óljóst er með reykskemmdir.