Bretar bregðast ókvæða við neitun á framsali

Rússar neituðu því formlega í morgun að framselja Andrei Lugovoy, fyrrum njósnara, og manninn sem er grunaður um að hafa myrt Alexander Litvinenko. Bretar brugðust ókvæða viða og segja svar Rússa við framsalsbeiðninni „óásættanlegt." Bretar hafa ávallt haldið því fram að litið sé á morðið á Litvinenko sem mikilvægt mál.

„Svar Rússa er óviðunandi. Við munum íhuga svar okkar við þessu útspili þeirra vandlega." sagði talsmaður utanríkisráðuneytis Breta nú í morgun.