Fjórir réðust á bíl og hús

Fjórir karlmenn á þrítugsaldri, vopnaðir bareflum og hnífum, réðust á mannlausan sportbíl í Vesturborginni um klukkan hálf fjögur í nótt og stórskemmdu hann. Þeir brutu rúður, stungu á dekkin, dælduðu hann og unnu á honum með hnífum. Auk þess brutu þeir rúðu í nálægu húsi, þar sem eigandi bílsins býr en fóru þó ekki inn.

Íbúar á svæðinu vöknuðu við hávaðan og létu lögreglu vit, en mennirnir hröðuðu sér á brott á bíl. Lögregla hafði upp á þeim skömmu síðar og handtók þá. Fljótt á litið virðist þetta hafa verið einhverskonar hótun eða uppgjör, en það skýrist nánar við yfirheyrslur i dag.