Fjögurra mánaða fangelsi fyrir ýmis brot

Héraðsdómur Suðurlands dæmdi í dag karlmann í fjögurra mánaða fangelsi fyrir þjófnað, fjársvik og að aka sviptur ökurétti. Ákæra á hendur manninum var stór í sniðum enda um mörg brot að ræða sem maðurinn framdi í fyrrasumar.

Var hann meðal annars ákærður fyrir að hafa stolið stimpli úr afgreiðslu Útlendingastofnunar og veggföstum seðlaskipti á bílaþvottastöð sem innihélt rúmar 130 þúsund krónur. Maðurinn á að baki umtalsverðan sakaferil og var tekið tillit til þess við ákvörðun refsingar.