Viðskipti erlent

JP Morgan tryggir nýjar höfuðstöðvar

Tölvugerð mynd af því hvernig Manhattan mun líta út þegar enduruppbyggingu á svæðinu þar sem Tvíburaturnarnir voru áður verður lokið.
Tölvugerð mynd af því hvernig Manhattan mun líta út þegar enduruppbyggingu á svæðinu þar sem Tvíburaturnarnir voru áður verður lokið.
Bandaríski fjárfestingabankinn JP Morgan Chase hefur ákveðið að flytja höfuðstöðvar sínar í nýtt háhýsi sem mun rísa þar sem Tvíburaturnarnir stóðu áður á Manhattan.

Tilkynnt var um málið í dag en JP Morgan mun greiða hafnarmálayfirvöldum í New York og New Jersey, sem eiga lóðina, 290 milljónir bandaríkjadala, jafnvirði um 18,5 milljarða króna, í leigu til næstu 92 ára.

Byggingin mun rísa þar sem Deutsche Bank er til húsa á Manhattan núna en verið er að rífa hana niður. Um 7.000 manns munu starfa hjá JP Chase-bankanum í byggingunni, sem verður um 40 hæðir.
Erlent Fréttir Viðskipti


Mest lesið


Fleiri fréttir

Sjá meira


×

Mest lesið