Heiðar á fimm yfir pari í Danmörku

Heiðar Davíð Bragason, atvinnukylfingur úr Kili, lauk leik á fimm höggum yfir pari(+5) í Vejle í Danmörku í dag á móti sem er hluti af Scanplan mótaröðinni.Heiðar Davíð byrjaði illa í dag en svaraði svo með þremur fuglum í röð.

Ef ekki hefði verið fyrir fjórfalda skollann hefði Heiðar Davíð verið mun ofar en sem stendur er hann í 22.-29. sæti. Skor kylfinga er ekki gott en Michael Jürgensen er sá eini sem leikið hefur undir pari í dag, 71 höggi eða einu höggi undir pari(-1) vallarins.

Það þarf því ekki mikið að gerast til þess að Heiðar Davíð nái að fikra sig upp í toppbaráttuna á morgun en eftir hringinn á morgun verður fækkað í röðum keppenda og helmingur þeirra fær að leika lokahringinn.

Frétt af Kylfingur.is