ÍS knúði fram oddaleik

Stúdínur hafa ekki sagt sitt síðasta í úrslitakeppni Iceland Express deildar kvenna. Í kvöld lagði liðið Íslandsmeistara Hauka í fjórða leik liðanna 87-77. Staðan í einvíginu er orðin jöfn 2-2 og þau verða því að mætast í oddaleik á Ásvöllum.

Casey Rost átti frábæran leik í liði ÍS með 37 stig, 10 fráköst og 8 stoðsendingar og Signý Hermannsdóttir skoraði 17 stig og hirti 15 fráköst. Helena Sverrisdóttir hristi af sér slenið í liði Hauka og skoraði 34 stig og 7 þrista, Ifeoma Okonkwo skoraði 26 stig og hirti 15 fráköst en tapaði 7 boltum. Aðrir leikmenn Hauka skoruðu aðeins 17 stig í leiknum og það er skiljanlega ekki vænlegt til árangurs fyrir Íslandsmeistarana - sem mega nú ekki misstíga sig í oddaleiknum á heimavelli.