Stjórnmáflokkarnir setja þak á auglýsingar

Stjórnmálaflokkarnir sem eiga sæti á Alþingi hafa gert með sér samkomulag um að takmarka auglýsingakostnað í aðdraganda kosninganna. Samkomulagið er afrakstur viðræðna milli flokkanna undanfarnar vikur.

Heildarkostnaður hvers flokks vegna auglýsinga í dagblöðum og ljósvakamiðlum má að hámarki ná 28 milljónum króna. Í yfirlýsingu segir að óháður aðili verði fenginn til að hafa eftirlit með framkvæmdinni.

Samkomulagið kemur í kjölfar laga sem samþykkt voru á Alþingi fyrir áramót og taka á fjármögnun stjórnmálaflokkanna. Þau stuðla að því að fjármál flokkanna verði opin og gagnsæ.

Nýja samkomulagið er það fyrsta sinnar tegundar síðan 1991 og er leið til að koma böndum a útgjöld vegna kosningabaráttunnar. Skúli Helgason, framkvæmdastjóri Samfylkingarinnar segir til dæmis, að samkomulagið leiði til allt að þriðjungs lækkunar útgjalda vegna auglýsingabirtinga hjá Samfylkingunni samanborið við síðustu þingkosningar.