Robinho hótar að hætta hjá Real

Brasilíski framherjinn Robinho hefur nú endanlega fengið sig fullsaddan af því að sitja á tréverkinu hjá Real Madrid og hefur sent forráðamönnum félagsins skýr skilaboð. Leyfið mér að spila eða ég er farinn.

"Það er afar erfitt fyrir mig að halda áfram hjá Real ef þróunin verður sú sama. Ef ég verð áfram á varamannabekknum, verð ég að fara annað. Ef Capello (þjálfari) myndi treysta mér - myndi hann láta mig spila meira og þá væri ég í byrjunarliðinu en ekki á bekknum," sagði Robinho.