Ísland tapaði fyrir Slóvakíu

Íslenska kvennalandsliðið í handbolta tapaði í dag fyrsta leik sínum á æfingamóti sem stendur yfir í Tékklandi næstu daga. Íslenska liðið tapaði fyrir Slóvakíu 34-26 eftir að hafa verið fjórum mörkum undir í hálfleik. Hrafnhildur Skúladóttir skoraði 7 mörk fyrir íslenska liðið, sem mætir heimamönnum Tékkum á morgun.

Markahæstar hjá Íslandi:

Hrafnhildur Skúladóttir 7, Arna Sif Pálsdóttir 4, Dagný Skúladóttir 3, Ragnhildur Guðmundsdóttir 3, Jóna Margrét Ragnarsdóttir 2, Auður Jónsdóttir 2, Hanna G. Stefánsdóttir 2, Rakel Dögg Bragadóttir 1, Sólveig Kjærnested 1 og Drífa Skúladóttir 1. Berglind Hansdóttir stóð fyrir sínu í markinu að venju og varði 18 skot í leiknum.