Mynd fyrir týndu kynslóðina í íslenskri bíómenningu 10. ágúst 2007 04:45 Skrifaði handritið að Astrópíu og undirbýr nú gerð handrits eftir unglingabók Ólafs Hauks, Gauragangi. Ottó vinnur með leikstjóranum Gunnari Birni Guðmundssyni að handritinu. MYND/Valli „Bæði bókin og leikverkið eru algjör snilld," segir handritshöfundurinn Ottó Geir Borg sem í félagi við leikstjórann Gunnar Björn Guðmundsson hefur fengið styrk frá Kvikmyndamiðstöð Íslands til að gera handrit eftir unglingabók Ólafs Hauks Símonarsonar, Gauragangur. Þeir félagar eru því orðnir ansi stórtækir í íslenskri kvikmyndagerð enda verður kvikmyndin Astrópía í leikstjórn Gunnars Björns, sem gerð er eftir handriti þeirra, frumsýnd um miðjan þennan mánuð en hún skartar Ragnhildi Steinunni Jónsdóttur í aðalhlutverki. Myndin verður væntanlega unnin undir merkjum kvikmyndafyrirtækisins ZikZak en ekki hefur verið ákveðið hvenær verður ráðist í gerð hennar. Á borðinu liggja fyrir tvö drög að handriti og ætla þeir Gunnar og Ottó að sækja um styrk fyrir þriðju útgáfunni. Að sögn Ottós eru þeir báðir miklir aðdáendur Gauragangs og þá ekki síst leikritsins sem sýnt var á fjölum Þjóðleikhússins, en þar fór Ingvar E. Sigurðsson hamförum í hlutverki Orms Óðinssonar undir tónlist Ný danskrar. Ólíklegt verður þó að teljast að Ingvar endurtaki leikinn í kvikmyndagerðinni. Aðspurður segir Ottó að Gunnar Björn hafi gengið með þessa hugmynd í maganum í þó nokkur ár. „Það hefur verið draumur hjá honum að leikstýra mynd eftir þessari bók." Ólafur haukur hafði sjálfur gert smá tilraun til að gera kvikmyndahandrit eftir bókinni og er spenntur fyrir hugmyndum Gunnars og Ottós. Þeir félagar voru varla búnir að segja skilið við Astrópíu en farið var að ræða um næsta verkefni. „Við vildum gera kvikmynd handa týndu kynslóðinni í íslenskri bíómenningu, unglingunum. Og Gauragangur var því eiginlega rökrétt framhald af þeirri ákvörðun," segir Ottó en þeir hafa ráðfært sig við Ólaf Hauk vegna handritsgerðarinnar. „Hann er mjög spenntur fyrir þessu og hafði á sínum tíma gert smá tilraun til að skrifa kvikmyndahandrit eftir bókinni," segir Ottó en tekur fram að þeir muni ekki nýta sér það við gerð handritsins. „Nei, við vildum fá ferska nálgun á viðfangsefnið." Gauragangur er annað verkefni Ottós á örskömmum tíma en hann gaf lítið fyrir þá fullyrðingu að vera næsta vonarstirnið í íslenskri kvikmynagerð. „Nei, langt því frá. Ég nýt þess bara að vinna með fólki og lít bara á mig sem einn af iðnaðarmönnunum í þessu fagi." Mest lesið Sigmundur og hvolpurinn gleðjast yfir fylgi Miðflokksins Lífið Með húsaflutninga á heilanum Lífið „Það braut ísinn að við hefðum deitað sama gaurinn“ Lífið Krakkatían: Ber, forsetar og prinsessur Lífið „Ég var heppinn. En ekki hann“ Lífið „Það er önnur hver gella með í vörunum“ Lífið Ólafur Ragnar skellti sér á sæþotu eftir langan dag Lífið Karlmennskuhlaðvarpið heyrir sögunni til Lífið Gómsætar haustkökur að hætti Elenoru Lífið Skrúfaði titrarann í sundur til að forða nágrönnum frá ónæði Lífið Fleiri fréttir Super Happy Forever hlaut Gullna lundann Fagnaðarfundir þegar Bong Joon-Ho hitti Dag Kára Óhappamynd Alec Baldwin brátt frumsýnd Ný kitla: Ellie og Joel komast aftur í hann krappan Hjem til jul aftur á skjáinn Segir Murphy gera lítið úr kynferðisofbeldi Frumsýning á Vísi: Helga Braga í kolsvartri kómedíu Tæpur helmingur íbúa hefur séð myndina Kynntu dagskrá RIFF 2024 Þakkaði fyrir sig á íslensku Shogun á spjöld sögunnar á Emmy verðlaunahátíðinni Snerting framlag Íslands til Óskarsins „Myndin byggir á minni eigin lífsreynslu“ Hlátur og grátur á Ljósvíkingum Ljósbrot valin besta norræna kvikmyndin Sjá meira
„Bæði bókin og leikverkið eru algjör snilld," segir handritshöfundurinn Ottó Geir Borg sem í félagi við leikstjórann Gunnar Björn Guðmundsson hefur fengið styrk frá Kvikmyndamiðstöð Íslands til að gera handrit eftir unglingabók Ólafs Hauks Símonarsonar, Gauragangur. Þeir félagar eru því orðnir ansi stórtækir í íslenskri kvikmyndagerð enda verður kvikmyndin Astrópía í leikstjórn Gunnars Björns, sem gerð er eftir handriti þeirra, frumsýnd um miðjan þennan mánuð en hún skartar Ragnhildi Steinunni Jónsdóttur í aðalhlutverki. Myndin verður væntanlega unnin undir merkjum kvikmyndafyrirtækisins ZikZak en ekki hefur verið ákveðið hvenær verður ráðist í gerð hennar. Á borðinu liggja fyrir tvö drög að handriti og ætla þeir Gunnar og Ottó að sækja um styrk fyrir þriðju útgáfunni. Að sögn Ottós eru þeir báðir miklir aðdáendur Gauragangs og þá ekki síst leikritsins sem sýnt var á fjölum Þjóðleikhússins, en þar fór Ingvar E. Sigurðsson hamförum í hlutverki Orms Óðinssonar undir tónlist Ný danskrar. Ólíklegt verður þó að teljast að Ingvar endurtaki leikinn í kvikmyndagerðinni. Aðspurður segir Ottó að Gunnar Björn hafi gengið með þessa hugmynd í maganum í þó nokkur ár. „Það hefur verið draumur hjá honum að leikstýra mynd eftir þessari bók." Ólafur haukur hafði sjálfur gert smá tilraun til að gera kvikmyndahandrit eftir bókinni og er spenntur fyrir hugmyndum Gunnars og Ottós. Þeir félagar voru varla búnir að segja skilið við Astrópíu en farið var að ræða um næsta verkefni. „Við vildum gera kvikmynd handa týndu kynslóðinni í íslenskri bíómenningu, unglingunum. Og Gauragangur var því eiginlega rökrétt framhald af þeirri ákvörðun," segir Ottó en þeir hafa ráðfært sig við Ólaf Hauk vegna handritsgerðarinnar. „Hann er mjög spenntur fyrir þessu og hafði á sínum tíma gert smá tilraun til að skrifa kvikmyndahandrit eftir bókinni," segir Ottó en tekur fram að þeir muni ekki nýta sér það við gerð handritsins. „Nei, við vildum fá ferska nálgun á viðfangsefnið." Gauragangur er annað verkefni Ottós á örskömmum tíma en hann gaf lítið fyrir þá fullyrðingu að vera næsta vonarstirnið í íslenskri kvikmynagerð. „Nei, langt því frá. Ég nýt þess bara að vinna með fólki og lít bara á mig sem einn af iðnaðarmönnunum í þessu fagi."
Mest lesið Sigmundur og hvolpurinn gleðjast yfir fylgi Miðflokksins Lífið Með húsaflutninga á heilanum Lífið „Það braut ísinn að við hefðum deitað sama gaurinn“ Lífið Krakkatían: Ber, forsetar og prinsessur Lífið „Ég var heppinn. En ekki hann“ Lífið „Það er önnur hver gella með í vörunum“ Lífið Ólafur Ragnar skellti sér á sæþotu eftir langan dag Lífið Karlmennskuhlaðvarpið heyrir sögunni til Lífið Gómsætar haustkökur að hætti Elenoru Lífið Skrúfaði titrarann í sundur til að forða nágrönnum frá ónæði Lífið Fleiri fréttir Super Happy Forever hlaut Gullna lundann Fagnaðarfundir þegar Bong Joon-Ho hitti Dag Kára Óhappamynd Alec Baldwin brátt frumsýnd Ný kitla: Ellie og Joel komast aftur í hann krappan Hjem til jul aftur á skjáinn Segir Murphy gera lítið úr kynferðisofbeldi Frumsýning á Vísi: Helga Braga í kolsvartri kómedíu Tæpur helmingur íbúa hefur séð myndina Kynntu dagskrá RIFF 2024 Þakkaði fyrir sig á íslensku Shogun á spjöld sögunnar á Emmy verðlaunahátíðinni Snerting framlag Íslands til Óskarsins „Myndin byggir á minni eigin lífsreynslu“ Hlátur og grátur á Ljósvíkingum Ljósbrot valin besta norræna kvikmyndin Sjá meira