Þrjú ár í lokaþátt Lost 9. maí 2007 09:00 Þrjár þáttaraðir til viðbótar af Lost verða teknar upp. Þrjár þáttaraðir til viðbótar af hinum vinsælu sjónvarpsþáttum Lost verða teknar upp. Eftir það ljúka þættirnir göngu sinni, árið 2010. Að sögn framleiðenda mun lokaþátturinn sem svo margir hafa beðið eftir koma fólki gjörsamlega í opna skjöldu. „Vegna sérstöðu þáttanna vissum við að við yrðum að finna tímasetningu á lokaþáttinn til að geta haldið áfram af fullum krafti og til að gefa áhorfendum þann endi sem þeir eiga skilið,“ sagði forseti sjónvarpsstöðvarinnar ABC. Hver þáttaröð hefur að geyma sextán þætti þar sem haldið verður áfram að fylgjast með eftirlifendum flugslyss og ævintýrum þeirra á eyðieyju. Á sínum tíma horfðu tuttugu milljónir Bandaríkjamanna á Lost í hverri viku en nú hefur áhorfið hrapað niður í tólf milljónir. Einnig hefur dregið töluvert úr áhorfinu í Bretlandi. Guðmundur Ingi Kristjánsson, innkaupastjóri erlends efnis hjá RÚV, segir að áhorfið hafi verið að aukast úti í heimi eftir töluverða lægð. „Þeir urðu að gera hlé í vetur og það tók svolítinn tíma að ná áhorfinu upp eftir það. Þeir hafa ekki náð sömu hæðum og í fyrra en það kvöld sem Lost er sýnt er þátturinn vinsælasta efnið á öllum sjónvarpsstöðvum,“ segir Guðmundur, en þriðja þáttaröðin er í gangi um þessar mundir. Hann segir að Lost sé með um 20 til 30 prósenta áhorf hér á landi og sé næstvinsælasti erlendi þátturinn hjá RÚV, skammt á eftir Desperate Housewives. „Fólk virðist vera ánægt með þáttinn þótt hann höfði kannski meira til yngri hópanna,“ segir Guðmundur og telur litla sem enga þreytu vera komna í áhorfendur. „Ég heyri það frekar í eldri geiranum. Þeir sem byrjuðu að horfa segja að þetta sé orðin óttaleg vitleysa en það hefur ekki komið niður á áhorfinu.“ Mest lesið Sigmundur og hvolpurinn gleðjast yfir fylgi Miðflokksins Lífið Með húsaflutninga á heilanum Lífið „Það braut ísinn að við hefðum deitað sama gaurinn“ Lífið Krakkatían: Ber, forsetar og prinsessur Lífið „Ég var heppinn. En ekki hann“ Lífið „Það er önnur hver gella með í vörunum“ Lífið Ólafur Ragnar skellti sér á sæþotu eftir langan dag Lífið Karlmennskuhlaðvarpið heyrir sögunni til Lífið Gómsætar haustkökur að hætti Elenoru Lífið Skrúfaði titrarann í sundur til að forða nágrönnum frá ónæði Lífið Fleiri fréttir Super Happy Forever hlaut Gullna lundann Fagnaðarfundir þegar Bong Joon-Ho hitti Dag Kára Óhappamynd Alec Baldwin brátt frumsýnd Ný kitla: Ellie og Joel komast aftur í hann krappan Hjem til jul aftur á skjáinn Segir Murphy gera lítið úr kynferðisofbeldi Frumsýning á Vísi: Helga Braga í kolsvartri kómedíu Tæpur helmingur íbúa hefur séð myndina Kynntu dagskrá RIFF 2024 Þakkaði fyrir sig á íslensku Shogun á spjöld sögunnar á Emmy verðlaunahátíðinni Snerting framlag Íslands til Óskarsins „Myndin byggir á minni eigin lífsreynslu“ Hlátur og grátur á Ljósvíkingum Ljósbrot valin besta norræna kvikmyndin Sjá meira
Þrjár þáttaraðir til viðbótar af hinum vinsælu sjónvarpsþáttum Lost verða teknar upp. Eftir það ljúka þættirnir göngu sinni, árið 2010. Að sögn framleiðenda mun lokaþátturinn sem svo margir hafa beðið eftir koma fólki gjörsamlega í opna skjöldu. „Vegna sérstöðu þáttanna vissum við að við yrðum að finna tímasetningu á lokaþáttinn til að geta haldið áfram af fullum krafti og til að gefa áhorfendum þann endi sem þeir eiga skilið,“ sagði forseti sjónvarpsstöðvarinnar ABC. Hver þáttaröð hefur að geyma sextán þætti þar sem haldið verður áfram að fylgjast með eftirlifendum flugslyss og ævintýrum þeirra á eyðieyju. Á sínum tíma horfðu tuttugu milljónir Bandaríkjamanna á Lost í hverri viku en nú hefur áhorfið hrapað niður í tólf milljónir. Einnig hefur dregið töluvert úr áhorfinu í Bretlandi. Guðmundur Ingi Kristjánsson, innkaupastjóri erlends efnis hjá RÚV, segir að áhorfið hafi verið að aukast úti í heimi eftir töluverða lægð. „Þeir urðu að gera hlé í vetur og það tók svolítinn tíma að ná áhorfinu upp eftir það. Þeir hafa ekki náð sömu hæðum og í fyrra en það kvöld sem Lost er sýnt er þátturinn vinsælasta efnið á öllum sjónvarpsstöðvum,“ segir Guðmundur, en þriðja þáttaröðin er í gangi um þessar mundir. Hann segir að Lost sé með um 20 til 30 prósenta áhorf hér á landi og sé næstvinsælasti erlendi þátturinn hjá RÚV, skammt á eftir Desperate Housewives. „Fólk virðist vera ánægt með þáttinn þótt hann höfði kannski meira til yngri hópanna,“ segir Guðmundur og telur litla sem enga þreytu vera komna í áhorfendur. „Ég heyri það frekar í eldri geiranum. Þeir sem byrjuðu að horfa segja að þetta sé orðin óttaleg vitleysa en það hefur ekki komið niður á áhorfinu.“
Mest lesið Sigmundur og hvolpurinn gleðjast yfir fylgi Miðflokksins Lífið Með húsaflutninga á heilanum Lífið „Það braut ísinn að við hefðum deitað sama gaurinn“ Lífið Krakkatían: Ber, forsetar og prinsessur Lífið „Ég var heppinn. En ekki hann“ Lífið „Það er önnur hver gella með í vörunum“ Lífið Ólafur Ragnar skellti sér á sæþotu eftir langan dag Lífið Karlmennskuhlaðvarpið heyrir sögunni til Lífið Gómsætar haustkökur að hætti Elenoru Lífið Skrúfaði titrarann í sundur til að forða nágrönnum frá ónæði Lífið Fleiri fréttir Super Happy Forever hlaut Gullna lundann Fagnaðarfundir þegar Bong Joon-Ho hitti Dag Kára Óhappamynd Alec Baldwin brátt frumsýnd Ný kitla: Ellie og Joel komast aftur í hann krappan Hjem til jul aftur á skjáinn Segir Murphy gera lítið úr kynferðisofbeldi Frumsýning á Vísi: Helga Braga í kolsvartri kómedíu Tæpur helmingur íbúa hefur séð myndina Kynntu dagskrá RIFF 2024 Þakkaði fyrir sig á íslensku Shogun á spjöld sögunnar á Emmy verðlaunahátíðinni Snerting framlag Íslands til Óskarsins „Myndin byggir á minni eigin lífsreynslu“ Hlátur og grátur á Ljósvíkingum Ljósbrot valin besta norræna kvikmyndin Sjá meira