Óperan opnar dyrnar 16. febrúar 2007 07:45 Davíð Ólafsson söngvari Tekur á móti gestum og gangandi í Gamla bíói um helgina. MYND/Stefán Nú um helgina halda óperuhús um alla Evrópu upp á fjögurra alda óperuhefð undir yfirskriftinni Óperudagar Evrópu og hér á Fróni gefst áhugasömum tónlistarunnendum tækifæri á að kynna sér starfsemi Íslensku óperunnar. að þetta sé í fyrsta sinn sem svo víðþætt dagskrá sé skipulögð af þessu tilefni enda séu samtök evrópskra óperuhúsa tiltölulega ný. „Þau hafa þó eflst mjög mikið, sérstaklega undanfarin fimm ár, og nú standa þau fyrir reglulegum ráðstefnum fyrir meðlimi sína." Nú um helgina standa samtökin fyrir stórri ráðstefnu í París þar sem áhorfendur, óperulistamenn, óperustjórar, fulltrúar fjölmiðla og ungt áhugafólk um óperur frá allri Evrópu taka þátt í viðburðum og umræðum um stöðu óperulistarinnar í samfélaginu en þangað fara til að mynda tveir ungir fulltrúar frá Íslandi í boði Samtaka vinafélaga evrópskra óperuhúsa. „En óperuhús um alla Evrópu eru hvött til þess að vera með eigin dagskrá þessa daga og þá er aðalatriðið að opna dyrnar, opna húsin og færa óperuna út til fólksins," útskýrir Freyja Dögg og áréttar að þar búi til dæmis að baki sú bábilja að óperan sé dauð list. „Það er verið að byggja mikið af nýjum óperuhúsum og þótt verið sé að sýna gömul verk er þetta lifandi listform, mikið af fólki sem kemur að óperustarfinu og margt forvitnilegt í boði." Meðal þess sem boðið verður upp á hér er bein útsending frá óperunni Flagari í framsókn, The Rake"s Progress, eftir Stravinsky á Rás 1 í kvöld, opin æfing á Gianni Schicchi eftir Puccini á sviði Íslensku óperunnar, Árnesingakórinn heldur afmælistónleika og ókeypis tónleika ungra og upprennandi söngvara. Aukinheldur verður markaður í anddyri Gamla bíós þar sem munir úr geymslum Óperunnar verða til sölu. „Þar verða alls konar skrýtnir leikmunir og búningar sem notaðir hafa verið gegnum árin. Davíð Ólafsson bassasöngvari verður með létta skemmtidagskrá og Eyjólfur Eyjólfsson, sem fer með hlutverk uppboðshaldarans í Flagara í framsókn, bregður á leik," segir Freyja. Markaðurinn hefst kl. 12 í Ingólfsstrætinu og stendur fram eftir degi á morgun og á sunnudag ef allt selst ekki upp. Þá verður boðið upp á leiðsögn um húsið kl. 13 báða dagana þar sem Ingólfur Níels Árnason, óperuleikstjóri og fræðslustjóri, leiðir gesti um bygginguna og segir frá starfsemi Íslensku óperunnar og sögu hússins. „Það er dálítil mótsögn í því að við höfum verið með óperuhús í gömlu bíóhúsi í tuttugu og fimm ár en bæði á húsið sér merkilega sögu og svo er saga óperunnar í húsinu merkileg," segir Freyja. Þar leynast líka mörg skúmaskot, leyndardómar og kimar sem forvitnilegt er að kynna sér. „Þá verða líka tónleikar í Sundhöll Reykjavíkur klukkan hálf tólf á morgun - það verður mikið sprell get ég lofað," segir Freyja sposk og ýjar að því að sumir hyggist stinga sér eitt og annað. Sundhöllin er þekkt fyrir prýðishljómburð en Freyja bendir enn fremur á að staðsetningin hafi fleiri kosti. „Við hugsuðum um hvert við gætum fært óperuna til Íslendinga. Hvar eru þeir í hádeginu á laugardögum - nú auðvitað í sundi?" Nánari upplýsingar um dagskrá Óperudaganna er að finna á heimasíðunni opera.is. Mest lesið Sigmundur og hvolpurinn gleðjast yfir fylgi Miðflokksins Lífið „Það braut ísinn að við hefðum deitað sama gaurinn“ Lífið „Ég var heppinn. En ekki hann“ Lífið „Það er önnur hver gella með í vörunum“ Lífið Skrúfaði titrarann í sundur til að forða nágrönnum frá ónæði Lífið Fréttatía vikunnar: Körfubolti, laxaastmi og stýrivextir Lífið Ólafur Ragnar skellti sér á sæþotu eftir langan dag Lífið Karlmennskuhlaðvarpið heyrir sögunni til Lífið Gómsætar haustkökur að hætti Elenoru Lífið Super Happy Forever hlaut Gullna lundann Bíó og sjónvarp Fleiri fréttir Super Happy Forever hlaut Gullna lundann Fagnaðarfundir þegar Bong Joon-Ho hitti Dag Kára Óhappamynd Alec Baldwin brátt frumsýnd Ný kitla: Ellie og Joel komast aftur í hann krappan Hjem til jul aftur á skjáinn Segir Murphy gera lítið úr kynferðisofbeldi Frumsýning á Vísi: Helga Braga í kolsvartri kómedíu Tæpur helmingur íbúa hefur séð myndina Kynntu dagskrá RIFF 2024 Þakkaði fyrir sig á íslensku Shogun á spjöld sögunnar á Emmy verðlaunahátíðinni Snerting framlag Íslands til Óskarsins „Myndin byggir á minni eigin lífsreynslu“ Hlátur og grátur á Ljósvíkingum Ljósbrot valin besta norræna kvikmyndin Sjá meira
Nú um helgina halda óperuhús um alla Evrópu upp á fjögurra alda óperuhefð undir yfirskriftinni Óperudagar Evrópu og hér á Fróni gefst áhugasömum tónlistarunnendum tækifæri á að kynna sér starfsemi Íslensku óperunnar. að þetta sé í fyrsta sinn sem svo víðþætt dagskrá sé skipulögð af þessu tilefni enda séu samtök evrópskra óperuhúsa tiltölulega ný. „Þau hafa þó eflst mjög mikið, sérstaklega undanfarin fimm ár, og nú standa þau fyrir reglulegum ráðstefnum fyrir meðlimi sína." Nú um helgina standa samtökin fyrir stórri ráðstefnu í París þar sem áhorfendur, óperulistamenn, óperustjórar, fulltrúar fjölmiðla og ungt áhugafólk um óperur frá allri Evrópu taka þátt í viðburðum og umræðum um stöðu óperulistarinnar í samfélaginu en þangað fara til að mynda tveir ungir fulltrúar frá Íslandi í boði Samtaka vinafélaga evrópskra óperuhúsa. „En óperuhús um alla Evrópu eru hvött til þess að vera með eigin dagskrá þessa daga og þá er aðalatriðið að opna dyrnar, opna húsin og færa óperuna út til fólksins," útskýrir Freyja Dögg og áréttar að þar búi til dæmis að baki sú bábilja að óperan sé dauð list. „Það er verið að byggja mikið af nýjum óperuhúsum og þótt verið sé að sýna gömul verk er þetta lifandi listform, mikið af fólki sem kemur að óperustarfinu og margt forvitnilegt í boði." Meðal þess sem boðið verður upp á hér er bein útsending frá óperunni Flagari í framsókn, The Rake"s Progress, eftir Stravinsky á Rás 1 í kvöld, opin æfing á Gianni Schicchi eftir Puccini á sviði Íslensku óperunnar, Árnesingakórinn heldur afmælistónleika og ókeypis tónleika ungra og upprennandi söngvara. Aukinheldur verður markaður í anddyri Gamla bíós þar sem munir úr geymslum Óperunnar verða til sölu. „Þar verða alls konar skrýtnir leikmunir og búningar sem notaðir hafa verið gegnum árin. Davíð Ólafsson bassasöngvari verður með létta skemmtidagskrá og Eyjólfur Eyjólfsson, sem fer með hlutverk uppboðshaldarans í Flagara í framsókn, bregður á leik," segir Freyja. Markaðurinn hefst kl. 12 í Ingólfsstrætinu og stendur fram eftir degi á morgun og á sunnudag ef allt selst ekki upp. Þá verður boðið upp á leiðsögn um húsið kl. 13 báða dagana þar sem Ingólfur Níels Árnason, óperuleikstjóri og fræðslustjóri, leiðir gesti um bygginguna og segir frá starfsemi Íslensku óperunnar og sögu hússins. „Það er dálítil mótsögn í því að við höfum verið með óperuhús í gömlu bíóhúsi í tuttugu og fimm ár en bæði á húsið sér merkilega sögu og svo er saga óperunnar í húsinu merkileg," segir Freyja. Þar leynast líka mörg skúmaskot, leyndardómar og kimar sem forvitnilegt er að kynna sér. „Þá verða líka tónleikar í Sundhöll Reykjavíkur klukkan hálf tólf á morgun - það verður mikið sprell get ég lofað," segir Freyja sposk og ýjar að því að sumir hyggist stinga sér eitt og annað. Sundhöllin er þekkt fyrir prýðishljómburð en Freyja bendir enn fremur á að staðsetningin hafi fleiri kosti. „Við hugsuðum um hvert við gætum fært óperuna til Íslendinga. Hvar eru þeir í hádeginu á laugardögum - nú auðvitað í sundi?" Nánari upplýsingar um dagskrá Óperudaganna er að finna á heimasíðunni opera.is.
Mest lesið Sigmundur og hvolpurinn gleðjast yfir fylgi Miðflokksins Lífið „Það braut ísinn að við hefðum deitað sama gaurinn“ Lífið „Ég var heppinn. En ekki hann“ Lífið „Það er önnur hver gella með í vörunum“ Lífið Skrúfaði titrarann í sundur til að forða nágrönnum frá ónæði Lífið Fréttatía vikunnar: Körfubolti, laxaastmi og stýrivextir Lífið Ólafur Ragnar skellti sér á sæþotu eftir langan dag Lífið Karlmennskuhlaðvarpið heyrir sögunni til Lífið Gómsætar haustkökur að hætti Elenoru Lífið Super Happy Forever hlaut Gullna lundann Bíó og sjónvarp Fleiri fréttir Super Happy Forever hlaut Gullna lundann Fagnaðarfundir þegar Bong Joon-Ho hitti Dag Kára Óhappamynd Alec Baldwin brátt frumsýnd Ný kitla: Ellie og Joel komast aftur í hann krappan Hjem til jul aftur á skjáinn Segir Murphy gera lítið úr kynferðisofbeldi Frumsýning á Vísi: Helga Braga í kolsvartri kómedíu Tæpur helmingur íbúa hefur séð myndina Kynntu dagskrá RIFF 2024 Þakkaði fyrir sig á íslensku Shogun á spjöld sögunnar á Emmy verðlaunahátíðinni Snerting framlag Íslands til Óskarsins „Myndin byggir á minni eigin lífsreynslu“ Hlátur og grátur á Ljósvíkingum Ljósbrot valin besta norræna kvikmyndin Sjá meira