Hálfs árs fangelsi fyrir líkamsárás

Héraðsdómur Reykjavíkur dæmdi í dag karlmann í hálfs árs skilorðsbundið fangelsi fyrir sérstaklega hættulega líkamsárás, með því að hafa í desember í fyrra á veitingastað í miðborginni veist að manni, skallað hann og slegið hann í andlitið með glerglasi með þeim afleiðingum að hann hlaut skurð á enni neðan við vinstri nös og á neðri vör auk þess sem hann marðist í andliti.

Maðurinn játaði á sig árásina og þótti dómnum að með þeim orðum og framburði vitna að hann hefði gerst sekur um líkamsárás. Hann var jafnframt dæmdur til að greiða fórnarlambi sínu 150 þúsund krónur í miskabætur vegna árásarinnar.