Hlutabréf hækka á ný í Taíland

Gengi hlutabréfa hækkaði um 9 prósent í Taílandi í dag eftir mjög mikla lækkun í í gær. Seðlabanki Taílands tilkynnti á mánudag að hann hyggðist taka upp gjaldeyrishömlur til að sporna gegn hækkun taílenska bahtsins og setti ákveðin skilyrði við hlutabréfa kaupum erlendra fjárfesta.

Afleiðingarnar urðu þær að fjöldi erlendra fjárfesta losaði sig við hlutabréfaeign sína á þriðjudag og gengi hlutabréfavísitölunnar fór niður um tæp 15 prósent.

Markmiðið með gjaldeyrishömlunum voru þær að lækka gengi bahtsins, gjaleyris Taílendinga, en það hefur ekki verið hærra gagnvart öðrum gjaldeyris, ekki síst bandaríkjadal, í mörg ár. Það hefur haft áhrif útflutning landsins.

Á tímabili var óttast að fall hlutabréfavísitölunnar í Taílandi myndi hafa áhrif víðar í Asíu líkt og fyrir áratug þegar efnahagslægð gekk yfir álfuna. Áhrifin voru minni en óttast var í fyrstu en hlutabréfavísitölunnar í Hong Kong, Indónesíu og í Malasíu lækkuðu lítillega.