Tilboð í Qantas fellt

Stjórn ástralska flugfélagsins Qantas hafnaði í dag yfirtökutilboði ástralska fjárfestingabankans Macquarie og fjárfestingafélagsins Texas Pacific. Tilboðið hljóðaði upp á 8,6 milljarða bandaríkjadali eða um 598 milljarða íslenskra króna.

Fréttastofa Reuters segir yfirtökutilboð fjárfestahópanna hafa verið fimm prósentum yfir lokagengi flugfélagsins í gær en það hafi lækkað nokkuð eftir að stjórn flugfélagsins felldi tilboðið.

Yfirvofandi sala á Qantas er sögð hafa snert við tilfinningum Ástrala sem tengja flugfélagið við land og þjóð en landsmenn hafa ávallt krafist þess að félagið verði í meirahlutaeigu heimamanna.