Segir Margréti hafa búið til ágreining um innflytjendamál

Magnús Þór Hafsteinsson, varaformaður Frjálslynda flokksins, segir Margréti Sverrisdóttur, framkvæmdastjóra flokksins, hafa búið til ágreining um málefni innflytjenda í flokknum til að búa í haginn fyrir slag um formennsku eða varaformennsku í flokknum.

Magnús Þór segir að Margrét hafi hringt í hann og óskað honum til hamingju fyrir frábæra frammistöðu í Silfri Egils eftir að hann ræddi þar málefni innflytjenda ásamt Jóni Magnússyni lögmanni.

Síðar hafi hún snúið við blaðinu á eftirminnilegan hátt í því skyni að komast til valda í flokknum. Magnús Þór Hafsteinsson verður í hádegisviðtalinu hér á eftir til að ræða klofninginn í Frjálslynda flokknum.