Leiktíðinni lokið hjá Ameobi?

Glenn Roeder, stjóri Newcastle, segir að framherjinn Shola Ameobi þurfi líklega að fara til Ameríku í skurðaðgerð vegna þrálátra meiðsla á mjöðm sem hafa haldið framherjanum frá keppni í tvær vikur. Roeder segir að ef hann þurfi í uppskurðinn, þýði það væntanlega að hann spili ekki meira með liðinu á leiktíðinni.

Þá segir Roeder að varamarkvörðurinn ungi og efnilegi Tim Krul gæti einnig orðið frá keppni lengi eftir að hnémeiðsli tóku sig upp hjá honum á ný. Þeir félagar bætast því í hóp þeirra Shay Given, Michael Owen, Kieron Dyer og Obafemi Martins - sem allir eru á sjúkralista hjá félaginu.