Ívar, Brynjar og Hermann í byrjunarliðinu

Ívar Ingimarsson er fyrirliði Reading sem mætir Liverpool á útivelli í ensku úrvalsdeildinni í dag. Brynjar Björn Gunnarsson er sömuleiðis í byrjunarliðinu, sem hægri bakvörður, og þá er Hermann Hreiðarsson í vörn Charlton sem tekur á móti Man. City.

Þegar þetta er skrifað er fyrri hálfleikur hálfnaður hálfnaður og staðan er 1-0 fyrir Liverpool. Það var Hollendingurinn Dirk Kuyt sem skoraði markið og má skrifa það á reikning Ívars að nokkru leyti. Man. Utd er 2-0 yfir á móti Portsmouth og þá er Watford með 1-0 forystu gegn Middlesbrough. Í öðrum leikjum dagsins er ennþá markalaust.

Heiðar Helguson kom inn á hjá Fulham á síðustu mínútu í leiknum gegn Everton sem fór fram í hádeginu í dag. Fulham sigraði leikinn með einu marki gegn engu.