Tap fyrir Ungverjum í æfingaleik

Íslenska karlalandsliðið í handknattleik tapaði 39-31 fyrir Ungverjum í æfingaleik ytra í dag. Mikil meiðsli eru í herbúðum íslenska liðsins og fengu því nokkrir leikmenn sem ekki hafa verið mikið í sviðsljósinu með liðinu að spreyta sig í dag.

Logi Geirsson og Ragnar Óskarsson voru markahæstir í íslenska liðinu með 7 hvor, Ásgeir Örn Hallgrímsson skoraði 5 mörk, Markús Máni skoraði 3 og þeir Snorri Steinn, Guðjón Valur, Vignir Svavarsson og Róbert Gunnarsson skoruðu 2 mörk hver. Einar Örn Jónsson skoraði eitt mark.

Þess má geta að Snorri Steinn Guðjónsson fékk höfuðhögg í fyrri hálfleik og gat ekki komið meira við sögu í leiknum, sem var ágætlega leikin að sögn Einars Þorvarðarsonar, framkvæmdastjóra HSÍ, í spjalli við NFS nú áðan.