Liverpool marði Reading

Nú er leikjum kvöldsins í enska deildarbikarnum að ljúka, en leikur Crewe og Manchester United er í framlengingu eftir að staðan var jöfn 1-1 að loknum venjulegum leiktíma. Liverpool vann nauman sigur á baráttuglöðu liði Reading 4-3 eftir að hafa komist í 3-0 og 4-1 í leiknum.

Fowler, Riise, Paletta og Crouch skoruðu fyrir Liverpool, en þeir Bikey, Lita og Long skoruðu fyrir Reading, þar sem Ívar Ingimarsson og Brynjar Björn Gunnarsson voru í byrjunarliði Reading.

Chelsea lagði Blackburn 2-0 á útivelli með mörkum frá Joe Cole og Salomon Kalou. Tottenham burstaði Milton Keynes Dons 5-0 þar sem Mido og Defoe skoruðu tvö hvor og Robbie Keane eitt. Charlton lagði Bolton 1-0 þar sem Hermann Hreiðarsson var að venju í liði Charlton og það var Darren Bent sem skoraði sigurmarkið. Loks vann Newcastle öruggan 3-0 sigur á Portsmouth með tveimur mörkum frá Solano og einu frá lánsmanninum Rossi.