Vissir þú þetta?

1. Sú saga gengur um bæjinn að enginn annar Erlend Øye muni þeyta skífum sem leynigestur á Airwaves barnum á Pravda. Erlend á að baki feril með Kings of Convenience, Röyksopp og gerði garðinn frægan með mixdisknum DJ Kicks þar sem hann syngur yfir og setur saman af mikilli snilld lög á borð "There Is a Light That Never Goes Out" með The Smiths, "Always on My Mind" með Peth Shop Boys, "It's a Fine Day" (made famous by Opus III), Cornelius og hans eigin lög. Erlend kemur fram á hátíðinni með hljómsveit sinni The Whitest Boy Alive á Gauknum, fimmtudagskvöldið 19. október. http://en.wikipedia.org/wiki/Erlend_Oye

2. Ghostigital verða fyrstu listamennirnir í sögu Airwaves hátíðarinnar til að sjá um eigið kvöld á hátíðinni. Ghostigital hafa boðið hingað til lands samstarfsmönnum og listamönnum sem gefa út hjá sömu útgáfu og þeir í Bandaríkjunum, Ipecac Records, þeim Dälek og Otto von Schirach. Auk þeirra koma fram Steintryggur, Hestbak, Biogen og Stilluppsteypa, sem eru að koma fram á Airwaves í fyrsta sinn.

3. Hinn bandaríski Levi Connar, sem kemur fram á Airwaves hátíðinni undir nafninu Leave Calmer á Iðnó Laugardagskvöldið 21. október 01:30, spilaði eitt sinn á trommur í hljómsveitinni Arcade Fire. Kauði ætlar að spila aukatónleika á Kaffi Hljómalind föstudagskvöldið 20. október klukkan 22:00.

4. múm munu spila sem plötusnúðar á Sirkus á opnunarkvöldi Airwaves sem hluti af 'off-venue' prógrami hátíðarinnar sem fer fram á börum, kafihúsum og plötuverslunum í miðborginni alla Airwaves helgina.

5. Hægt er að ná sér í fullt af tónlist á www.icelandairwaves.com. Með því að smella á 'Artists' og heimsækja 'prófíla' hjá þeirra listamanna sem koma fram á hátíðinni má hlusta, og í mörgum tilfellum niðurhala, tónlist frá hinum ýmsu listamönnum. Síðan inniheldur síðan heilan helling af upplýsingum, m.a. dagskrá hátíðarinnar í ár eins og hún leggur sig.

6. Bent og Spaceman eru nýjustu viðbæturnar við opunarkvöld hátíðarinnar á NASA sem kennt er við hip hop klúbbinn Kronik. Margir stórlaxarnir hafa spilað undir merkjum Kronik á Airwaves í gegnum tíðina og má þar nefna J-Live (2002), Killa Kela (2003), Non Phixion (2004) og The Mitchell Brothers í fyrra. Kronik kvöldið í ár verður hins vegar með fjölbreyttara hætti því indí poppsveitin Fræ treður þar upp ásamt r&b/fönk dúóinu Kenya Nemor og hip hop hetjunum í Forgotten Lores sem enda kvöldið. Jagúar hafa hins vegar afboðað fyrirhugaða tónleika sína á kvöldinu vegna þess að trommari sveitarinnar verður staddur í Kína. Þeim þykir miður að geta ekki komið fram á hátíðinni í ár.

7. Víða um borg er verið að blogga um Airwaves 2006. Hér má t.d. finna svokallað tónlistarblogg þar sem boðið er upp á niðurhal frá ýmsum listamönnum sem koma fram á hátíðinni; http://breidholt.blogspot.com/