Fær heilan dag með Beckham í Madrid

Fjórtán ára strákur af Seltjarnarnesi er nú á leið til Madridar, þar sem hann mun eyða heilum degi með David Beckham, á æfingasvæði Real Madrid.

Sigurður Kristinn Ingimarsson tók í sumar þátt í Pepsíleik í Nóatúni og Krónunni, þar sem ferð til Madridar var í vinning. Og seltirningurinn Sigurður Kristinn fór með sigur af hólmi.

Sigurður Kristinn, sem æfir með Gróttu, er mikill aðdáandi Beckhams. Ingimundur, faðir hans, segir að strákurinn sé í sjöunda himni yfir heppni sinni...eins og Hemmi Gunn.