Dómarinn bað mig afsökunar

Harry Redknapp segir að Chris Foy, dómarinn sem dæmdi leik Tottenham og Portsmouth í ensku úrvalsdeildinni í gær, hafi komið til sín í hálfleik í leiknum í gær og beðið sig afsökunar á því að hafa dæmt vítaspyrnu á lið hans. Sigurmark Tottenham kom úr vítaspyrnu sem aldrei átti að dæma og Redknapp kallar í kjölfarið á að fjórði dómari megi styðjast við myndbandsupptökur til að skera úr um atvik sem þetta.

"Hann kom til mín og bað mig afsökunar því hann hefði gert skelfileg mistök, en hann gerði þetta ekki viljandi - dómararnir þurfa aðstoð þarna úti," sagði Redknapp og talar fyrir því að fjórða dómara verði heimilað að styðjast við endursýningar til að skera úr um svona mikilvæg vafaatriði," sagði Redknapp.