Vildi finna einhvern til að drepa

Sextán ára piltur, sem úrskurðaður hefur verið í gæsluvarðhald fyrir að hafa stungið tuttuguogfimm ára gamla karlmann í bakið með hnífi, sagðist við handtöku hafa kynnst manninum í gegnum internetið með það í huga að finna einhvern til að drepa.

Var þetta í þriðja sinn sem þeir hittust og hafði pilturinn áður tekið með sér hníf til að drepa hann en segist ekki hafa fengið tækifæri til þess. Sá sem fyrir árásinni varð náði sjálfur að keyra á slysadeild. Meiðsli hans reyndust ekki eins alvarleg og leit út fyrir í fyrstu. Hann var úrskurðaður í undirrétti í gæsluvarðhald til 26. september og hefur hæstiréttur staðfest það.