Björgunarsveitarmenn grennslast fyrir um mann

Lögreglan á Höfn í Hornafirði og um 20 björgunarsveitarmenn eru nú staddir í Skaftafelli þar sem þeir grennslast nú fyrir um mann sem ekkert hefur spurst til síðan um klukkan eitt í nótt. Enn sem komið er ekki um skipulagða leit að ræða en verið er að kanna hvernig maðurinn var útbúinn og afla frekari upplýsinga um ferðir hans áður en ákvörðun verður tekin um hvort hefja eigi skipulagða leit. Þangað til er verið að kanna hvort maðurinn sé staddur í eða við tjaldsvæðið í Skaftafelli og nágrenni þess.