Piltar grunaðir um íkveikju

Grunur leikur á að tíu til tólf ára piltar hafi verið að verki þegar kveiktur var eldur í Síldarvinnslu HB Granda á Akranesi í gær. Það hefur þó ekki verið staðfest og á eftir að ræða við piltana.

Þetta er fjórði eldsvoðinn á Akranesi á skömmum tíma sem talinn er hafa orðið vegna íkveikju. Ekki er þó vitað til að tengsl séu milli eldsins í gær og fyrri eldsvoða. Einn lögreglumaður fékk snert af reykeitrun í gær en hann er kominn heim til sín eftir að hafa fengið meðferð á sjúkrahúsi.