Brú sprengd upp á Gaza svæðinu

Ekkert virðist draga úr átökum á Gaza svæðinu. Í nótt sprengdi ísraelski herinn upp brú á norðurhluta Gaza svæðisins. Brúin, sem er nærri borginni Beit Hanoun, er önnur brúin sem Ísraelsmenn sprengja upp á örfáum dögum. Á laugardaginn var brú á svipuðu svæði sprengd upp en með því tókst Ísrelsher að lama samgöngur til fjölda bæja og rafmagn fór af stóru svæði. Ísraelski herinn segir tilgang árásanna vera að stöðva flutninga herskrárra Palestínumanna á eldflaugum til svæða þar sem þeim er síðan skotið á Ísrael. Engar fregnir hafa borist af mannfalli í árásunum í nótt.